ସେପ୍ଟେମ୍ବର ୨ରେ ଶ୍ରୀହରିକୋଟାରୁ ଏହି ମିଶନ ଆରମ୍ଭ ହେବ ଏବଂ ପ୍ରାୟ ୪ ମାସ ମଧ୍ୟରେ ଏଲ୧ ପଏଣ୍ଟରେ ପହଞ୍ଚିବ
ନୂଆଦିଲ୍ଲୀ: ଭାରତୀୟ ମହାକାଶ ଗବେଷଣା ସଂସ୍ଥା (ଇସ୍ରୋ) ବୁଧବାର କହିଛି ଯେ ଆଦିତ୍ୟ ଏଲ୍ ୧ ମିଶନକୁ ଉତକ୍ଷେପଣ କରିବା ପାଇଁ ପ୍ରସ୍ତୁତି ଚାଲିଛି । ଗାଡ଼ିର ଆଭ୍ୟନ୍ତରୀଣ ଯାଞ୍ଚ ଶେଷ ହୋଇଛି । ସେପ୍ଟେମ୍ବର ୨ ତାରିଖ ପୂର୍ବାହ୍ନ ୧୧ଟା ୫୦ରେ ଶ୍ରୀହରିକୋଟାସ୍ଥିତ ସତୀଶ ଧୱନ ମହାକାଶ କେନ୍ଦ୍ରରୁ ପିଏସଏଲଭି ଏକ୍ସଏଲ ରକେଟ ଜରିଆରେ ଆଦିତ୍ୟ ଏଲ୧ କୁ ଉତକ୍ଷେପଣ କରାଯିବ ।
ପ୍ରାୟ ୪ ମାସ ମଧ୍ୟରେ ଏହା ପୃଥିବୀଠାରୁ ୧.୫ ନିୟୁତ କିଲୋମିଟର ଦୂର ଲଙ୍ଗରେଞ୍ଜ ପଏଣ୍ଟ-୧ ଅର୍ଥାତ୍ ଏଲ୍ ୧ ପଏଣ୍ଟରେ ପହଞ୍ଚିବ । ଆଦିତ୍ୟ ମହାକାଶଯାନ ଏଲ୍ ୧ ବିନ୍ଦୁ ପରିକ୍ରମା କରି ସୂର୍ଯ୍ୟଉପରେ ଉଠୁଥିବା ଝଡ଼କୁ ବୁଝିବ । ଏହାବ୍ୟତୀତ ଚୁମ୍ବକୀୟ କ୍ଷେତ୍ର ଓ ସୌର ପବନ ଭଳି ଜିନିଷ ଉପରେ ଅଧ୍ୟୟନ କରାଯିବ । ଆଦିତ୍ୟ ପାଖରେ ବ୍ୟବହାର ପାଇଁ ୭ଟି ପେଲୋଡ୍ ରହିଛି ।
କାହିଁକି ଆଦିତ୍ୟ ଗାଡ଼ିକୁ କେବଳ ଏଲ୧ ପଏଣ୍ଟକୁ ପଠାଯିବ
ଆଦିତ୍ୟକୁ ସୂର୍ଯ୍ୟ ଓ ପୃଥିବୀ ମଧ୍ୟରେ ଏକ ହାଲୋ କକ୍ଷପଥରେ ରଖାଯିବ । ଏଲ୍ ୧ ବିନ୍ଦୁ ଚାରିପଟେ ଥିବା କକ୍ଷପଥକୁ ହାଲୋ ଅର୍ବିଟ୍ କୁହାଯାଏ । ଇସ୍ରୋ କହିଛି ଯେ ଏଲ୍ ୧ ବିନ୍ଦୁ ଚାରିପଟେ ହାଲୋ କକ୍ଷପଥରେ ରଖାଯାଇଥିବା ଉପଗ୍ରହ ବିନା କୌଣସି ଗ୍ରହଣରେ ସୂର୍ଯ୍ୟଙ୍କୁ କ୍ରମାଗତଭାବେ ଦେଖିପାରିବ ।
ଏହା ରିୟଲ ଟାଇମ ସୌର ଗତିବିଧି ଏବଂ ମହାକାଶ ପାଣିପାଗ ଉପରେ ନଜର ରଖିବାରେ ସକ୍ଷମ ହେବ । ଆଦିତ୍ୟ ଏଲ୍-୧ର ପେଲୋଡ୍ କୋରୋନାଲ ହିଟିଂ, କୋରୋନାଲ ମାସ୍ ଇଜେକ୍ସନ, ପ୍ରି-ଫ୍ଲେୟାର ଏବଂ ଫ୍ଲେୟାର କାର୍ଯ୍ୟକଳାପର ବୈଶିଷ୍ଟ୍ୟ, କଣିକାର ଗତିବିଧି ଏବଂ ମହାକାଶ ପାଣିପାଗକୁ ବୁଝିବା ପାଇଁ ସୂଚନା ପ୍ରଦାନ କରିବ ବୋଲି ଆଶା କରାଯାଉଛି ।
ଏଲ୍ ୧ କ’ଣ ?
ଇଟାଲି-ଫ୍ରାନ୍ସ ଗଣିତଜ୍ଞ ଜୋସେଫି-ଲୁଇ ଲଙ୍ଗରେଞ୍ଜଙ୍କ ନାମରେ ଲଙ୍ଗରେଞ୍ଜ ପଏଣ୍ଟର ନାମକରଣ କରାଯାଇଛି । ଏହାକୁ ସାଧାରଣତଃ ଏଲ୍ -୧ ବୋଲି କୁହାଯାଏ । ପୃଥିବୀ ଏବଂ ସୂର୍ଯ୍ୟ ମଧ୍ୟରେ ଏପରି ପାଞ୍ଚଟି ବିନ୍ଦୁ ଅଛି, ଯେଉଁଠାରେ ସୂର୍ଯ୍ୟ ଏବଂ ପୃଥିବୀର ଗୁରୁତ୍ୱାକର୍ଷଣ ବଳ ସନ୍ତୁଳିତ ହୋଇଥାଏ ଏବଂ କେନ୍ଦ୍ରୀୟ ବଳ ସୃଷ୍ଟି ହୁଏ ।
ଏଭଳି ପରିସ୍ଥିତିରେ ଯଦି କୌଣସି ବସ୍ତୁକୁ ଏହି ସ୍ଥାନରେ ରଖାଯାଏ ତେବେ ଏହା ଉଭୟଙ୍କ ମଧ୍ୟରେ ସହଜରେ ସ୍ଥିର ରହିଥାଏ ଏବଂ ଶକ୍ତି ମଧ୍ୟ କମ୍ ଦେଖାଯାଏ । ପ୍ରଥମ ଲାଗ୍ରାଞ୍ଜ ବିନ୍ଦୁ ପୃଥିବୀ ଏବଂ ସୂର୍ଯ୍ୟ ମଧ୍ୟରେ ୧.୫ ନିୟୁତ କିଲୋମିଟର । ସରଳ ଭାଷାରେ କହିବାକୁ ଗଲେ, ଏଲ୍ -୧ ହେଉଛି ଏକ ବିନ୍ଦୁ ଯେଉଁଠାରେ କୌଣସି ବସ୍ତୁ ସୂର୍ଯ୍ୟ ଏବଂ ପୃଥିବୀଠାରୁ ସମାନ ଦୂରତାରେ ସ୍ଥିର ରହିପାରେ ।