ନୂଆଦିଲ୍ଲୀ: ଭାରତ ସରକାରଙ୍କ ଅଧିକାରୀମାନେ ଏୟାର ଇଣ୍ଡିଆରେ ଆଉ ମାଗଣାରେ ଯାତ୍ରା କରିପାରିବେ ନାହିଁ । ଟାଟା ଗ୍ରୁପ୍ର ଅଂଶ ହେବା ପରେ ଏୟାର ଇଣ୍ଡିଆ କ୍ରେଡିଟ୍ ସୁବିଧାକୁ ବନ୍ଦ କରିଦେଇଛି । ତେଣୁ ସରକାର ଏହାର ସମସ୍ତ ମନ୍ତ୍ରାଳୟ/ବିଭାଗକୁ ତୁରନ୍ତ ବିମାନ ସେବା ଦେୟ ପଇଠ କରିବାକୁ କହିଛନ୍ତି । ଏହି ପରିପ୍ରେକ୍ଷୀରେ ବ୍ୟୟ ବିଭାଗ, ଅର୍ଥ ମନ୍ତ୍ରାଳୟ ଏକ ସ୍ମାରକପତ୍ର ପ୍ରଦାନ କରି ସୂଚନା ଦେଇଛନ୍ତି । ଅର୍ଥାତ୍ ଯେଉଁ କର୍ମଚାରୀଙ୍କର ଯାତ୍ରା ଖର୍ଚ୍ଚ ଭାରତ ସରକାର ବହନ କରିବେ ସେମାନେ ଏୟାର ଇଣ୍ଡିଆ ବିମାନ ଯୋଗେ ଯାତ୍ରା କରିବାକୁ ହେଲେ ସେହି ସରକାରୀ କର୍ମଚାରୀଙ୍କୁ ମଧ୍ୟ ଟଙ୍କା ଦେବାକୁ ପଡ଼ିବ ।
ଘରୋଇ ତଥା ଅନ୍ତର୍ଜାତୀୟ ବିମାନ ଉଡ଼ାଣ କ୍ଷେତ୍ରରେ ଭାରତ ସରକାରଙ୍କ ମନ୍ତ୍ରାଳୟ/ବିଭାଗର ଅଧିକାରୀମାନେ ସରକାରୀ ଖର୍ଚ୍ଚରେ ଯାତ୍ରା କରିପାରିବେ ବୋଲି ୨୦୦୯ ମସିହାରୁ ଏୟାର ଇଣ୍ଡିଆର ଏପରି ସୁବିଧା ଥିଲା । ବିମାନ ଯାତ୍ରା ଟିକେଟ୍ ମୂଲ୍ୟ ପରେ ଏୟାର ଇଣ୍ଡିଆ ଏବଂ ସରକାରଙ୍କ ମଧ୍ୟରେ ସମାଧାନ କରାଯାଉଥିଲା । କିନ୍ତୁ ଗତ କିଛି ବର୍ଷ ଧରି ଏୟାର ଇଣ୍ଡିଆର ଭାରତ ସରକାରଙ୍କ ଉପରେ ବହୁତ ବକେୟା ରହିଛି ।
ସରକାରୀ ଅଧିକାରୀ ବର୍ତ୍ତମାନ ନଗଦ ଦେଇ ଟିକେଟ୍ କିଣିପାରିବେ
ସରକାର ଏୟାର ଇଣ୍ଡିଆକୁ ବିନିଯୋଗ କରିସାରିଛନ୍ତି ଏବଂ ଏହା ଟାଟା ଗ୍ରୁପକୁ ଫେରିଛି । ତେଣୁ ବିମାନ ଟିକେଟ କ୍ରୟ ଉପରେ କ୍ରେଡିଟ ସୁବିଧା ବନ୍ଦ କରି ଦେଇଛି । ଜାରି କରାଯାଇଥିବା ସ୍ମାରକପତ୍ରରେ କୁହାଯାଇଛି ଯେ ମନ୍ତ୍ରାଳୟବିଭାଗର ଅଧିକାରୀମାନେ ପରବର୍ତ୍ତୀ ନିର୍ଦ୍ଦେଶ ପର୍ଯ୍ୟନ୍ତ ନଗଦ ଅର୍ଥ ଦେଇ ଏୟାର ଇଣ୍ଡିଆ ଟିକେଟ କିଣି ପାରିବେ ।