Businessodisha

ପିଲାଙ୍କପାଇଁ କରୋନା ଟୀକା ଅନୁମୋଦିତ

businessodisha

-

October 12, 2021

୨ରୁ ୧୮ବର୍ଷ ବୟସର ପିଲାମାନେ କୋଭାକ୍ସିନ୍ ପାଇବେ

ନୂଆଦିଲ୍ଲୀ – କରୋନା ଟିକା ବିଷୟରେ ପିଲାମାନଙ୍କପାଇଁ ଖୁସି ଖବର ଅଛି । ୨ବର୍ଷରୁ ୧୮ ବର୍ଷ ବୟସର ପିଲାମାନଙ୍କପାଇଁ ଡିଜିସିଆଇ (DCGI) କରୋନା ଟୀକା ଅନୁମୋଦନ କରିଛି । ସୂଚନାନୁସାରେ, ଭରତ ବାୟୋଟେକର କୋଭାକ୍ସିନକୁ ଏଥିପାଇଁ ଅନୁମୋଦନ କରାଯାଇଛି । ଟୀକାକରଣ ସମୟରେ ପିଲାମାନଙ୍କୁ ଦୁଇଟି ଡୋଜ୍ କୋଭାକ୍ସିନ୍ ମଧ୍ୟ ଦିଆଯିବ । ଏହା କୁହାଯାଉଛି ଯେ ଏହି ବିଷୟରେ ସରକାର ଖୁବ ଶୀଘ୍ର ନିର୍ଦ୍ଦେଶନାମା ଜାରି କରିବେ ।

କୋଭାକ୍ସିନ୍‌ର ପରୀକ୍ଷା ବହୁତ ସକାରାତ୍ମକ ଫଳାଫଳ ଦେଖାଇଛି, ଯେଉଁଥିପାଇଁ ଏହାକୁ ଡିଜିସିଦ୍ୱାରା ଅନୁମୋଦନ କରାଯାଇଛି । ପରୀକ୍ଷଣରେ ପିଲାମାନଙ୍କ ଉପରେ ଟୀକାକରଣର କୌଣସି ପାର୍ଶ୍ୱ ପ୍ରତିକ୍ରିୟା ଦେଖାଯାଇନାହିଁ । ପିଲାମାନଙ୍କୁ ଏହି ଟୀକାର ଦୁଇଟି ଡୋଜ ଦିଆଯିବ । ବର୍ତ୍ତମାନ, ୧୮ବର୍ଷରୁ ଅଧିକ ବୟସ୍କମାନଙ୍କୁ କେବଳ ଦୁଇଟି ଡୋଜ୍ କୋଭାକ୍ସିନ୍ ଦିଆଯାଉଛି ।

ସରକାର ପ୍ରଥମେ ଅସୁସ୍ଥ ପିଲାମାନଙ୍କୁ ଟୀକାକରଣପାଇଁ ନିର୍ଦ୍ଦେଶାବଳୀ ପ୍ରସ୍ତୁତ କରୁଛନ୍ତି । ପ୍ରଥମ ପର୍ଯ୍ୟାୟରେ ଗୁରୁତର ରୋଗରେ ପୀଡ଼ିତ ସେହି ପିଲାମାନଙ୍କୁ ଟୀକା ଦିଆଯିବ। ପିଲାମାନଙ୍କୁ ଟୀକା ଦେବାଦ୍ୱାରା ବିଦ୍ୟାଳୟକୁ ଯିବାରେ ଦ୍ୱିଧା ରହିବ ନାହିଁ । ଅଭିଭାବକମାନେ କୌଣସି ଭୟ କିମ୍ବା ଚିନ୍ତା ନକରି ନିଜ ପିଲାମାନଙ୍କୁ ବିଦ୍ୟାଳୟକୁ ପଠାଇବାକୁ ସକ୍ଷମ ହେବେ ।

କୁହାଯାଉଥିଲା ଯେ ଟୀକା ଦିଆଯାଇ ନଥିବାରୁ କରୋନାର ତୃତୀୟ ଲହର ଆସିବ, କେବଳ ଛୋଟ ପିଲାମାନେ ପ୍ରଭାବିତ ହେବେ। ବର୍ତ୍ତମାନ ଛୋଟ ପିଲାମାନଙ୍କପାଇଁ ଟୀକା ଆସିବା ସହିତ ତୃତୀୟ ଲହରର ଭୟ ମଧ୍ୟ ଲୋପ ପାଇବ ।

ପିଲାମାନଙ୍କପାଇଁ ଆସୁଥିବା କରୋନା ଟୀକା କେତେ ଖର୍ଚ୍ଚ ହେବ, ତାହା ପ୍ରକାଶ କରାଯାଇ ନାହିଁ, କିନ୍ତୁ ଏହା କୁହାଯାଉଛି ଯେ ଏହାର ମୂଲ୍ୟ ବୟସ୍କମାନଙ୍କୁ ଦିଆଯାଉଥିବା କୋଭାସିନ୍ ମୂଲ୍ୟ ସହିତ ସମାନ ହେବ ।

ବଡ଼ କଥା ହେଉଛି ପିଲାମାନଙ୍କ ଟୀକା ମଧ୍ୟ ନିଜ ଦେଶରେ ବିକଶିତ ହୋଇଛି । ପରୀକ୍ଷଣରେ, ଏହି ସ୍ୱଦେଶୀ ଟୀକା କରୋନା ବିରୁଦ୍ଧରେ ଏକ ଦୃଢ଼ ପ୍ରତିରକ୍ଷା ଦେବାର ପ୍ରମାଣ ଦେଇଛି ।

ଡିଜିସିର ଅନୁମୋଦନ ପାଇବା ପରେ ପିଲାମାନଙ୍କର ଟୀକାକରଣ କେବଳ ଏକରୁ ଦୁଇ ମାସ ପରେ ଆରମ୍ଭ ହେବ। ଏହାର କାରଣ ହେଉଛି ଏହି ଟିକାକୁ ବହୁ ପରିମାଣରେ ଉତ୍ପାଦନ କରିବାକୁ ପଡ଼ିବ ।

ଦୁନିଆର କେତେକ ଦେଶରେ ପିଲାମାନଙ୍କୁ ଟୀକାକରଣ କରାଯାଉଛି । ୟୁରୋପୀୟ ୟୁନିଅନ୍ ଜୁଲାଇରେ ନିଜେ ମୋଡର୍ନାର ଟୀକା ଅନୁମୋଦନ କରିଥିଲା ।

ମୌସୁମୀ ଅଧିବେଶନରେ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ମାନସୁଖ ମାଣ୍ଡଭିଆ ସଂସଦକୁ କହିଛନ୍ତି ଯେ ଦେଶର ଦୁଇଟି କମ୍ପାନୀ ପିଲାମାନଙ୍କପାଇଁ ଟୀକା ଦେବା ଦିଗରେ କାର୍ଯ୍ୟ କରୁଛନ୍ତି । ସେ ଜୁଲାଇରେ କହିଥିଲେ ଯେ ଜିଡସ୍ କ୍ୟାଡିଲା ଏବଂ ଭାରତ ବାୟୋଟେକ୍ ଏ ଦିଗରେ କାମ କରୁଛନ୍ତି ।

ଆଞ୍ଚଳିକ ଦଳକୁ ୫୧% ନିର୍ବାଚନୀ ବଣ୍ଡ୍‌

ଅର୍ଥଜଗତ

businessodisha

-

October 12, 2021

0

ବିଜେଡି ସବୁଠାରୁ ଅଧିକ ୧୮୬.୧୩ କୋଟି ଖର୍ଚ୍ଚ କରିଛି

ନୂଆଦିଲ୍ଲୀ : ଭାରତର ଆଞ୍ଚଳିକ ରାଜନୈତିକ ଦଳ ଗୁଡ଼ିକ ସେମାନଙ୍କ ଆୟର ଅର୍ଦ୍ଧାଧିକ ନିର୍ବାଚନୀ ବଣ୍ଡ୍‌ ଦ୍ବାରା ପାଣ୍ଠି ଆକାରରେ ପାଇଛନ୍ତି। ଏଡିଆର୍‌ (ଆସୋସିଏସନ ଫର୍‌ ଡିମୋକ୍ରାଟିକ୍ ରିଫର୍ମ‌୍‌ସ) ନୂଆ ରିପୋର୍ଟରୁ ଏହା ଜଣାପଡ଼ିଛି। ୪୨ଟି ଆଞ୍ଚଳିକ ଦଳରୁ ୧୪ ଟି ଦଳ ନିର୍ବାଚନୀ ବଣ୍ଡ୍‌ ଦ୍ବାରା ୪୪୭.୪୯୮ କୋଟି ସଂଗ୍ରହ କରିଛନ୍ତି। ଏହା ସେମାନଙ୍କ ରୋଜଗାରର ୫୦.୯୭ ପ୍ରତିଶତ।

ଏହି ୧୪ଟି ଦଳ ହେଉଛି ଟିଆରଏସ୍‌, ଟିଡିପି, ୱାଇଏସ୍‌ଆର-ସି, ଡିଏମ୍‌କେ , ଶିବସେନା , ଆପ, ଜେଡିୟୁ , ସପା, ଜେଡିଏସ୍‌, ଶିରୋମଣୀ ଅକାଳୀ ଦଳ, ଏଆଇଏଡିଏମ୍‌କେ, ଆର୍‌ଜେଡି, ଜେଏମ୍‌ଏମ୍‌। ତେବେ ୨୦୧୯-୨୦ ବର୍ଷ‌ରେ ୪୨ ଆଞ୍ଚଳିକ ଦଳର ମୋଟ୍‌ ରୋଜଗାର ୮୭୭.୯୫୭ କୋଟି। ୭ ରାଜନୈତିକ ଦଳର ମୋଟ୍‌ ରୋଜଗାରର ୬୨ ପ୍ରତିଶତ ନିର୍ବାଚନୀ ବଣ୍ଡ ଦ୍ବାରା ଆସିଛି। ଟିଆରଏସ୍‌, ଶିବସେନା, ୱାଇଏସ୍‌ଆରସି, ଟିଡିପି ଏବଂ ବିଜେଡିର ରୋଜଗାର ଅଧିକ ରହିଛି।

୧୩୦.୪୬ କୋଟି ସହ ଟିଆରଏସ୍‌ର ରୋଜଗାର ସବୁଠୁ ଅଧିକ।

୧୩୦.୪୬ କୋଟି ସହ ଟିଆରଏସ୍‌ର ରୋଜଗାର ସବୁଠୁ ଅଧିକ। ଟିଆର୍‌ଏସ ଏହାର ମୋଟ୍‌ ରୋଜଗାରର ୬୮.୩୪ ପ୍ରତିଶତ ତଥା ପ୍ରାୟ ୮୯.୧୫ କୋଟି ଟଙ୍କା ନିର୍ବାଚନୀ ବଣ୍ଡ୍‌ ଦ୍ବାରା ସଂଗ୍ରହ କରିଛି। ଟିଆରଏସ୍‌ ପରେ ଟିଡିପି ନିର୍ବାଚନୀ ବଣ୍ଡ୍‌ ଦ୍ବାରା ୮୧.୬୦ କୋଟି ସଂଗ୍ରହ କରିଥିବା ଘୋଷଣା କରିଛି। ସେହିପରି ୱାଇଏସ୍‌ଆର-ସି ନିର୍ବାଚନୀ ବଣ୍ଡ୍‌ ଦ୍ବାରା ୭୪.୩୫ କୋଟି ଟଙ୍କା ସଂଗ୍ରହ କରିଛି। ଏହାର ୱାଇଏସ୍‌-ଆରସି ଦଳର ମୋଟ୍‌ ରୋଜଗାରର ୮୦.୧୭୧ ପ୍ରତିଶତ।

ଏହି ଆଞ୍ଚଳିକ ଦଳ ଗୁଡ଼ିକ ୨୦୧୯-୨୦ ବର୍ଷରେ ମୋଟ୍‌ ୭୨୪.୫୪ କୋଟି ଟଙ୍କା ଖର୍ଚ୍ଚ କରିଛନ୍ତି। ବିଜେଡି ସବୁଠାରୁ ଅଧିକ ତଥା ୧୮୬.୧୩ କୋଟି ଖର୍ଚ୍ଚ କରିଥିବାବେଳେ ଟିଡିପି ଏବଂ ଶିବସେନା ଯଥାକ୍ରମେ ୧୦୮.୮୪ ଏବଂ ୯୮.୩୭୯ କୋଟି ଖର୍ଚ୍ଚ କରିଛନ୍ତି। ତେବେ ୧୨ଟି ଆଞ୍ଚଳିକ ଦଳ ସେମାନଙ୍କ ମୋଟ୍‌ ରୋଜଗାରର ୬୫ ପ୍ରତିଶତ କେବଳ ନିର୍ବାଚନୀ ପ୍ରଚାରରେ ଖର୍ଚ୍ଚ କରିଛନ୍ତି। ବିଜେଡି ୧୭୮.୬୮ କୋଟି ଖର୍ଚ୍ଚ କରିଛି। ୨୦୧୯-୨୦ ବର୍ଷରେ ବିଜେଡିର ରୋଜଗାର ୯୦.୩୫ କୋଟି ଥିବାବେଳେ ଏହା ରୋଜଗାରଠାରୁ ଢେର ଅଧିକ ଖର୍ଚ୍ଚ କରିଛି। ବିଜେଡି ପରେ ଶିବସେନା ଏବଂ ଟିଡିପି ନିର୍ବାଚନ ପ୍ରଚାର ପାଇଁ ଯଥାକ୍ରମେ ୭୭.୫୯ ଏବଂ ୭୨.୨୮ କୋଟି ଖର୍ଚ୍ଚ କରିଛନ୍ତି।

କମ ଦାମରେ ଭାରତରେ ଲଞ୍ଚ ହେବ ‘ଟେସ୍‌ଲା’

ଅର୍ଥଜଗତ

businessodisha

-

October 12, 2021

0

ନୂଆଦିଲ୍ଲୀ : ଟେସଲାର ଇଲେକ୍ଟ୍ରିକ୍ କାରର ଉତ୍ପାଦନ ଭାରତରେ ଶୀଘ୍ର ଆରମ୍ଭ ହେବାର ଆଶା ରହିଛି। ସମ୍ଭବତଃ ଆଗାମୀ କିଛି ମାସରେ ଏଲନ ମସ୍କଙ୍କ କମ୍ପାନୀ ଟେସ୍‌ଲା ଭାରତରେ ଇଲେକ୍ଟ୍ରିକ୍ କାର ମଧ୍ୟ ଲଞ୍ଚ କରି ଦେବ। ଏହାର ସଙ୍କେତ ଦେଇଛନ୍ତି କେନ୍ଦ୍ର ସଡକ ପରିବହନ ଓ ରାଜମାର୍ଗ ମନ୍ତ୍ରୀ ନୀତିନ ଗଡକରୀ। ଏକ କାର୍ଯ୍ୟକ୍ରମରେ ଗଡକରୀ କହିଛନ୍ତି, ଭାରତୀୟ ବଜାରରେ ପ୍ରବେଶ ପାଇଁ ଟେସ୍‌ଲା ଏବଂ ସରକାର ମଧ୍ୟରେ ଲଗାତାର ଆଲୋଚନା ଚାଲିଛି। ଟେସ୍‌ଲା ଭାରତରେ ଉତ୍ପାଦନ ଆରମ୍ଭ କରିବା ଏବଂ ଏଠାରୁ କାର ଅନ୍ୟ ଦେଶକୁ ରପ୍ତାନୀ ପାଇଁ ଯେଉଁ ସବୁ ସାହାଯ୍ୟ ଦରକାର, ସେସବୁ ଯୋଗାଇ ଦେବାକୁ ସରକାର ପ୍ରସ୍ତୁତ ଥିବା ଗଡକରୀ କହିଛନ୍ତି।

ଏଲନ ମସ୍କଙ୍କ କମ୍ପାନୀ ଟେସ୍‌ଲା ଆମେରିକା ବାହାରେ ସର୍ବ ପ୍ରଥମେ ପ୍ଲାଣ୍ଟ ଚୀନରେ ବସାଇଥିଲା। ଏଠାରୁ ୟୁରୋପ ଏବଂ ଅନ୍ୟ ଦେଶକୁ ଇଲେକ୍ଟ୍ରୋନିକ କାର ରପ୍ତାନୀ ହେଉଛି। ଟେସ୍‌ଲା ଚାହୁଁଛି ସେ ଚୀନରେ ନିର୍ମାଣ କରୁଥିବା କାରକୁ ଭାରତୀୟ ବଜାରରେ ବିକ୍ରି କରିବ। ହେଲେ ଏଥିପାଇଁ ପ୍ରସ୍ତୁତ ନୁହନ୍ତି ଭାରତ ସରକାର। ଟେସ୍‌ଲାକୁ କୁହାଯାଇଛି ଯେ, ସେ ଭାରତରେ ନିଜର ପ୍ଲାଣ୍ଟ ସ୍ଥାପନ କରୁ ଏବଂ ଏଠାରୁ କାର ଅନ୍ୟ ଦେଶକୁ ରପ୍ତାନୀ କରୁ ବୋଲି ଗଡକରୀ କହିଛନ୍ତି।

ଦର ରହିବ କମ

ଟେସ୍‌ଲାର ମୂଲ୍ୟକୁ ନେଇ ଲୋକଙ୍କ ମନରେ ଅନେକ ପ୍ରଶ୍ନ ରହିଛି। ଲୋକେ ଏହି ଆଶଙ୍କା କରୁଛନ୍ତି ଯେ, ଘରୋଇ ଭାରତୀୟ ବଜାରରେ ଇଲେକ୍ଟ୍ରିକ କାରର ମୂଲ୍ୟ ଅଧିକ ରହିବ। ଏହାକୁ ନେଇ ଗଡକରୀ କହିଛନ୍ତି, ଟେସ୍‌ଲାର କାରର ମୂଲ୍ୟ କମ ରହିବ। କମ୍ପାନୀ ଭାରତରେ କାର ନିର୍ମାଣ କରି ଏଠାରେ ବିକ୍ରି କରିବ। କାରର ମୂଲ୍ୟ ପାଖାପାଖି ୩୫ ଲକ୍ଷ ଟଙ୍କା ରହିବ।

ଗଡକରୀ କହିଛନ୍ତି, ସରକାରଙ୍କ ଲକ୍ଷ୍ୟ ଆଗାମୀ ବର୍ଷରେ ପେଟ୍ରୋଲ-ଡିଜେଲ୍‌ର ଆମଦାନୀ ବନ୍ଦ କରି ଏହାର ନିର୍ଭରତା ସମାପ୍ତ କରିବା ରହିଛି। ଏମିତିରେ ପେଟ୍ରୋଲ-ଡିଜେଲ୍‌ ଉପରେ କିଛି ଦେଶର ଦାଦାଗିରି ଚଳିବ ନାହିଁ। ଆମେ ଉର୍ଜାର ବିକଳ୍ପ ସ୍ରୋତ ଉପରେ ନିର୍ଭରତା ବଢାଉଛୁ। ଗ୍ରୀନ ହାଇଡ୍ରୋଜେନ ହେଉଛି ଭବିଷ୍ୟତ ଇନ୍ଧନ ଏବଂ ଆଗାମୀ ବର୍ଷରେ ଆମେ ଗ୍ରୀନ ହାଇଡ୍ରୋଜେନ ରପ୍ତାନୀ କରିବା ସ୍ଥିତିରୁ ରହିବୁ ବୋଲି କେନ୍ଦ୍ର ମନ୍ତ୍ରୀ କହିଛନ୍ତି।

ପିପିଏଲ୍‌ ଆଣିବ ୧,୨୫୫ କୋଟିର ଆଇପିଓ: ଡିସେମ୍ବର ସୁଦ୍ଧା ଷ୍ଟକ ବଜାରରେ ପ୍ରବେଶ କରିବ

ଅର୍ଥଜଗତ

businessodisha

-

October 12, 2021

0

ପିପିଏଲ୍‌ ଆଣିବ ୧,୨୫୫ କୋଟିର ଆଇପିଓ: ଡିସେମ୍ବର ସୁଦ୍ଧା ଷ୍ଟକ ବଜାରରେ ପ୍ରବେଶ କରିବ

ଭୁବନେଶ୍ବର: ପାରାଦୀପରେ କାରଖାନା ସ୍ଥାପନ କରିଥିବା ସାର କଂପାନି ପାରାଦୀପ ଫସ୍‌ଫେଟ୍‌ ଲିମିଟେଡ୍‌ (ପିପିଏଲ୍‌) ଏହାର ବିଭିନ୍ନ ଆବଶ୍ୟକତା ପୂରଣ କରିବା ଲାଗି ଷ୍ଟକ ବଜାରରୁ ପାଣ୍ଠି ହାସଲ କରିବାକୁ ନିଷ୍ପତ୍ତି ନେଇଛି। ସେୟାର ବଜାର ଜରିଆରେ ୧,୨୫୫ କୋଟି ଟଙ୍କାର ପାଣ୍ଠି ଯୋଗାଡ଼ କରିବା ଲାଗି ଏହା ଇନିସିଆଲ୍ ପବ୍ଲିକ୍ ଅଫର (ଆଇପିଓ) ଆଣିବ। ପିପିଏଲ୍‌ରେ ଥିବା ଭାରତ କେନ୍ଦ୍ର ସରକାରଙ୍କ ୧୯.୫୫ ପ୍ରତିଶତ ଅଂଶଧନକୁ ସମ୍ପୂର୍ଣ୍ଣ ପ୍ରତ୍ୟାହାର କରାଯିବ। ଚଳିତ ମାସ ଅଗଷ୍ଟରେ ଏଥିପାଇଁ ଏହା ଭାରତୀୟ ପ୍ରତିଭୂତି ଓ ବିନିମୟ ବୋର୍ଡ (ସେବି) ନିକଟରେ ଆବେଦନ କରିଥିଲା। ସେପ୍ଟେମ୍ବର ଶେଷ ସପ୍ତାହରେ ଏଥିପାଇଁ ଅନୁମୋଦନ ମିଳିଛି। ଆସନ୍ତା ୨-୩ ମାସ ଭିତରେ ଆଇପିଓ ଜାରି କରାଯିବ ବୋଲି କଂପାନିର ସଭାପତି ସାବଲୀଳ ନନ୍ଦୀ କହିଛନ୍ତି। ତେବେ ସେୟାର ପିଛା ମୂଲ୍ୟ କେତେ ରହିବ ତାହା ଏବେଠାରୁ କହିବା କଷ୍ଟକର ବୋଲି ସେ କହିଛନ୍ତି। ବମ୍ବେ ଷ୍ଟକ ଏକ୍ସଚେଞ୍ଜ୍‌ ଓ ନ୍ୟାସନାଲ୍ ଷ୍ଟକ ଏକ୍ସଚେଞ୍ଜ୍‌ରେ ପିପିଏଲ୍‌କୁ ତାଲିକାଭୁକ୍ତ କରାଯିବ।

ଶ୍ରୀ ନନ୍ଦୀ କହିଛନ୍ତି ଯେ ଆଇପିଓ ଜରିଆରେ ଯେଉଁ ୧,୨୫୫ କୋଟି ଟଙ୍କା ମିଳିବ ସେଥିରୁ ୬୪୨ କୋଟି ଟଙ୍କାକୁ ଗୋଆରେ ଥିବା ଏକ ବାର୍ଷିକ ୧.୨ ନିୟୁତ ଟନ୍ ଉତ୍ପାଦନ କ୍ଷମତା ବିଶିଷ୍ଟ ସାର କାରଖାନା କିଣିବା ଲାଗି ବ୍ୟବହାର କରାଯିବ। ଜୁଆରି ଆଗ୍ରୋ କେମିକାଲ୍ସ ଠାରୁ ଏହି କାରଖାନାକୁ କିଣିବା ଲାଗି ଚଳିତ ବର୍ଷ ମାର୍ଚ୍ଚ ମାସରେ କଂପାନି ଏକ ବୁଝାମଣା ସ୍ବାକ୍ଷର କରିଥିଲା। ସେ କହିଛନ୍ତି ଯେ ପାରାଦୀପ କାରଖାନା ଜରିଆରେ ପୂର୍ବ ଭାରତରେ ବେଶ ଦୃଢ଼ ସ୍ଥିତିରେ ଥିବା ପିପିଏଲ୍‌ ଗୋଆ କାରଖାନାକୁ କିଣିବା ପରେ ମହାରାଷ୍ଟ୍ର, କର୍ଣ୍ଣାଟକ, ଆନ୍ଧ୍ର ଓ ତେଲେଙ୍ଗାନା ଭଳି ଦକ୍ଷିଣ ଭାରତରେ ନିଜର ଉପସ୍ଥିତି ଜାହିର କରିପାରିବ। ଦେଶର ଦୁଇଟି ଅଲଗା ଅଲଗା ସ୍ଥାନରେ କାରଖାନା ରହିବା ଦ୍ବାରା ବଜାର ସ୍ଥିତି ଯୋଗୁଁ ସୃଷ୍ଟି ହେଉଥିବା ବିପଦକୁ କଂପାନି ଠିକ୍ ଭାବେ ମୁକାବିଲା କରିପାରିବ ଓ ନିଜ ଅଂଶଧନକାରୀଙ୍କୁ ନିୟମିତ ଉଚିତ ମୂଲ୍ୟ ପ୍ରଦାନ କରିପାରିବ ବୋଲି ସେ କହିଛନ୍ତି।

ଆଇପିଓରୁ ମିଳିବାକୁ ଥିବା ପାଣ୍ଠିରୁ ୩୦୦ କୋଟି ଟଙ୍କାକୁ କଂପାନି ଋଣ ଶୁଝିବା ଲାଗି ବ୍ୟବହାର କରାଯିବ। କଂପାନି ଖାତାରେ ୧୨୦୦ କୋଟି ଟଙ୍କାର ଋଣ ରହିଛି। ସେଥିରୁ ୨୦୦ କୋଟି ଟଙ୍କା ଦୀର୍ଘମିଆଦୀ ଋଣ ହୋଇଥିବା ବେଳେ ବଳକା ୧,୦୦୦ କୋଟି ଟଙ୍କା ହେଉଛି ସ୍ବଳ୍ପମିଆଦୀ ଋଣ। ଉଲ୍ଲେଖଯୋଗ୍ୟ, ପିପିଏଲ୍‌ରେ ଏବେ ଜୁଆରି ମାରୋକ୍ ଫସ୍‌ଫେଟ୍‌ସ ପ୍ରାଇଭେଟ୍ ଲିମିଟେଡ୍‌ (ଜେଡ୍‌ଏମ୍‌ପିପିଏଲ୍‌) ନାମକ ଏକ ଯୌଥ ଉଦ୍ୟୋଗର ୮୦.୪୫% ଓ ଭାରତ ସରକାରଙ୍କ ୧୯.୫୫% ଅଂଶଧନ ରହିଛି।

ଶକ୍ତିମନ୍ତ୍ରୀଙ୍କ ଆଶ୍ବାସନା: ଭୟ କରନି, ବିଜୁଳି ସଙ୍କଟ ଦେଖାଦେବନି

ଅର୍ଥଜଗତ

businessodisha

-

October 12, 2021

0

ଶକ୍ତିମନ୍ତ୍ରୀଙ୍କ ଆଶ୍ବାସନା: ଭୟ କରନି, ବିଜୁଳି ସଙ୍କଟ ଦେଖାଦେବନି

ନୂଆଦିଲ୍ଲୀ: ଦେଶରେ ବିଦ୍ୟୁତ ସଙ୍କଟ ଦେଖାଦେବନି। ଭୟ କରିବାର କୌଣସି କାରଣ ନାହିଁ। ଅଯଥାରେ ଏନେଇ କଳ୍ପନାଜଳ୍ପନା ପ୍ରକାଶ ପାଉଛି ବୋଲି କେନ୍ଦ୍ର ଶକ୍ତି ମନ୍ତ୍ରୀ ଆର୍‌ କେ ସିଂହ କହିଛନ୍ତି। ଦେଶବାସୀଙ୍କୁ ଆଶ୍ବାସନା ଦେଇ ସେ କହିଛନ୍ତି ଯେ ଅଯଥାରେ ଲୋକଙ୍କ ମନରେ ଭୟ ସୃଷ୍ଟି କରାଯାଉଛି। ‌ସାରା ଦେଶର ଚାହିଦା ପୂରଣ କରିବା ଲାଗି ଆମ ପାଖରେ ଆବଶ୍ୟକ ପରିମାଣର ବିଜୁଳି ରହିଛି। ଆମେ ସମସ୍ତଙ୍କୁ ବିଦ୍ୟୁତ ଯୋଗାଇ ଦେଉଛୁ। ଯଦି କାହାର ବିଜୁଳି ଦରକାର ମୋତେ କୁହନ୍ତୁ ମୁଁ ‌ଯୋଗାଣ ବ୍ୟବସ୍ଥା କରିବି ବୋଲି ସେ କହିଛନ୍ତି। କୋଇଲା ସ୍ଥିତିରେ ବ୍ୟାପକ ସୁଧାର ହେଉଥିବାର ସୂଚନା ଦେଇ ସେ କହିଛନ୍ତି ଯେ ବିଦ୍ୟୁତ ଉତ୍ପାଦନ କରୁଥିବା ପାୱାର ପ୍ଲାଣ୍ଟ୍‌ଗୁଡ଼ିକ ପାଖରେ ଚାରି ଦିନର ଆବଶ୍ୟକତା ପୂରଣ ହେବା ଭଳି କୋଇଲା ରହିଛି। ନିୟମିତ ଭାବେ କୋଇଲା ସ୍ଥିତିରେ ସୁଧାର ହେଉଛି। ବିଭ୍ରାନ୍ତୀକର ତଥ୍ୟ ଦେଇଥିବାରୁ ସେ ଟାଟା ଓ ଗେଲ୍‌କୁ ସମାଲୋଚନା ମଧ୍ୟ କରିଛନ୍ତି। ଏକ ବଡ଼ ଧରଣର ବିଦ୍ୟୁତ ସଙ୍କଟ ଆସିବାର ଆଶଙ୍କା ରହିଥିବା ନେଇ ଗତକାଲି ଟାଟା ପାୱାର ପକ୍ଷରୁ ଦିଲ୍ଲୀବାଦୀଙ୍କୁ ସତର୍କ କରାଇଥିଲା।

ଏହି ପ୍ରସଙ୍ଗରେ କୋଇଲା ମନ୍ତ୍ରଣାଳୟ ପକ୍ଷରୁ ମଧ୍ୟ ନିଜ ପକ୍ଷ ରଖାଯାଇଛି। ବିଦ୍ୟୁତ ଚାହିଦା ପୂରଣ ପାଇଁ ଦେଶରେ ପର୍ଯ୍ୟାପ୍ତ ପରିମାଣର କୋଇଲା ଉପଲବ୍ଧ ରହିଛି ବୋଲି କୋଇଲା ମନ୍ତ୍ରଣାଳୟ ଆଶ୍ୱାସନା ଦେଇଛି । ବିଦ୍ୟୁତ ଯୋଗାଣ ବ୍ୟାଘାତ ହେବା ନେଇ ସମସ୍ତ ପ୍ରକାର ଆଶଙ୍କା ଭିତ୍ତିହୀନ। ପାୱାର ପ୍ଲାଣ୍ଟଗୁଡ଼ିକରେ ପାଖାପାଖି ୭୨ ଲକ୍ଷ ଟନ କୋଇଲା ମହଜୁଦ ରହିଛି, ଯାହା କି ୪ ଦିନର ଆବଶ୍ୟକତା ପୂରଣ ପାଇଁ ଯଥେଷ୍ଟ। କୋଲ ଇଣ୍ଡିଆ ପାଖରେ ଏବେ ଥିବା ୪୦୦ ଲକ୍ଷ ଟନ୍‌ରୁ ଅଧିକ କୋଇଲା ପାୱାର ପ୍ଲାଣ୍ଟ୍‌କୁ ଦିଆଯିବ ବୋଲି ମନ୍ତ୍ରଣାଳୟ ପକ୍ଷରୁ କୁହାଯାଇଛି। ପାୱାର ପ୍ଲାଣ୍ଟ୍‌କୁ ଦିଆଯାଉଥିବା କୋଇଲା ହେଉଛି ରୋଲିଂ ଷ୍ଟକ୍। ଅର୍ଥାତ ପ୍ରତିଦିନ ସେମାନଙ୍କୁ କୋଇଲା ଯୋଗାଣ କରାଯାଏ। ତେଣୁ ଏକ ଲମ୍ବା ସମୟ ପର୍ଯ୍ୟନ୍ତ କୋଇଲା ଅଭାବ ରହିବ ନାହିଁ। ଯଦି କୌଣସି ଦିନ ଷ୍ଟକ୍ ହ୍ରାସ ପାଇଥିବ ତେବେ ତାହାର ପରବର୍ତ୍ତୀ ଦିନଗୁଡ଼ିକରେ ସ୍ଥିତିରେ ସୁଧାର ହୋଇଥାଏ। ପାୱାର ପ୍ଲାଣ୍ଟ୍‌ର ଦୈନିକ ଆବଶ୍ୟକତା ହେଉଛି ୧୮.୫ ଲକ୍ଷ ଟନ୍ କୋଇଲା। ସେମାନଙ୍କୁ ପ୍ରତିଦିନ ହାରାହାରି ୧୭.୫ ଲକ୍ଷ ଟନ୍ କୋଇଲା ଯୋଗାଇ ଦିଆଯାଉଛି। ମୌସୁମୀ ବର୍ଷା ସମୟରେ କୋଇଲା ଉତ୍ପାଦନ ଓ ଯୋଗାଣ କିଛିଟା ପ୍ରଭାବିତ ହୋଇଥିଲା। ସେଥିପାଇଁ ଯେଉଁ ଅଭାବ ଦେଖାଦେଇଥିଲା ତାହାକୁ ପ୍ରତିଦିନ ଭରଣା କରାଯାଉଛି ବୋଲି କୋଇଲା ମନ୍ତ୍ରଣାଳୟ ପକ୍ଷରୁ କୁହାଯାଇଛି।

ପାୱାର ପ୍ଲାଣ୍ଟ୍‌ଗୁଡ଼ିକୁ ଚଳିତ ବର୍ଷର ପ୍ରଥମ ୬ ମାସରେ ୨୫୫ ନିୟୁତ ଟନ୍ କୋଇଲା ଯୋଗାଇ ଦିଆଯାଇଛି। କିଛି ଦିନ ପୂର୍ବରୁ ଦୈନିକ ୧୪ ଲକ୍ଷ ଟନ୍ କୋଇଲା ଦିଆଯାଉଥିଲା। ବର୍ଷା କମିଆସୁଥିବାରୁ ଏହି ଯୋଗାଣ ଏବେ ୧୫ ଲକ୍ଷ ଟନକୁ ବୃଦ୍ଧି ପାଇଛି ଓ ଅକ୍ଟୋବର ଶେଷ ସୁଦ୍ଧା ଏହା ଦୈନିକ ୧୬ ଲକ୍ଷ ଟନ ଅତିକ୍ରମ କରିବ ବୋଲି ଆଶା କରାଯାଉଛି। ଦେଶର ଆଲୁମିନିୟମ, ସିମେଣ୍ଟ, ଇସ୍ପାତ ଆଦି ଅଣ-ବିଦ୍ୟୁତ ଶିଳ୍ପର ଚାହିଦା ପୂରଣ ପାଇଁ କୋଲ୍‌ ଇଣ୍ଡିଆ ଦିନକୁ ୨.୫ ଲକ୍ଷ ଟନରୁ ଅଧିକ କୋଇଲା ଯୋଗାଉଛି ବୋଲି ମନ୍ତ୍ରଣାଳୟ ପକ୍ଷରୁ କୁହାଯାଇଛି।

ଉଲ୍ଲେଖଯୋଗ୍ୟ, ‌ଦୀର୍ଘ ଦିନ ପର୍ଯ୍ୟନ୍ତ ମୌସୁମୀ ବର୍ଷା ଲାଗି ରହିବାରୁ ପାୱାର ପ୍ଲାଣ୍ଟ୍‌ଗୁଡ଼ିକରେ ମହଜୁଦ ରହୁଥିବା କୋଇଲା ପରିମାଣ ସର୍ବନିମ୍ନ ସ୍ତରକୁ ହ୍ରାସ ପାଇବା ପରେ ଦେଶରେ ବଡ଼ ଧରଣର ବିଦ୍ୟୁତ ସଙ୍କଟ ଦେଖାଦେବ ବୋଲି ଅନୁମାନ କରାଯାଉଛି। ଦିଲ୍ଲୀରେ ବିଦ୍ୟୁତ ବଣ୍ଟନ କରୁଥିବା ସଂସ୍ଥା ଟାଟା ପାୱାର ପକ୍ଷରୁ ସମ୍ଭାବ୍ୟ ବିଦ୍ୟୁତ ସଙ୍କଟ ବିଷୟରେ ଲୋକମାନଙ୍କୁ ସତର୍କ କରାଯିବା ପରେ ସାରା ଦେଶର ଲୋକଙ୍କ ମନରେ ଭୟ ସୃଷ୍ଟି ହୋଇଥିଲା। ସେହି ଭୟ ଦୂର କରିବା ଲାଗି ଆଜି ଶକ୍ତିମନ୍ତ୍ରୀ ଶ୍ରୀ ସିଂହଙ୍କୁ ସାମ୍ନାକୁ ଆସି ଦେଶବାସୀଙ୍କୁ ଆଶ୍ବାସନା ଦେବାକୁ ପଡ଼ିଛି। ଗୁଜରାଟ, ପଞ୍ଜାବ, ରାଜସ୍ଥାନ, ତାମିଲନାଡୁ ଓ ଦିଲ୍ଲୀ ଭଳି ରାଜ୍ୟର ସରକାର ମଧ୍ୟ କୋଇଲା ସଙ୍କଟକୁ ନେଇ ଚିନ୍ତା ପ୍ରକଟ କରିଥିଲେ। ଏହି ପ୍ରସଙ୍ଗରେ ହସ୍ତକ୍ଷେପ କରିବା ଲାଗି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ୍ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଚିଠି ଲେଖିଥିଲେ।

୨୦୨୨ରୁ ଉଡ଼ିବ ଝୁନ୍‌ଝୁନ୍‌ୱାଲାଙ୍କ ବିମାନ: ଆକାଶ ଏୟାରକୁ ମିଳିଲା ଏନ୍‌ଓସି

ଅର୍ଥଜଗତ

businessodisha

-

October 12, 2021

0

୨୦୨୨ରୁ ଉଡ଼ିବ ଝୁନ୍‌ଝୁନ୍‌ୱାଲାଙ୍କ ବିମାନ: ଆକାଶ ଏୟାରକୁ ମିଳିଲା ଏନ୍‌ଓସି

ନୂଆଦିଲ୍ଲୀ: ଦେଶର ଚର୍ଚ୍ଚିତ ନିବେଶକ ରାକେଶ ଝୁନ୍‌ଝୁନ୍‌ୱାଲା ସ୍ଥାପନ କରିଥିବା ନୂଆ ବିମାନ କଂପାନି ଆକାଶ ଏୟାରକୁ କେନ୍ଦ୍ର ସରକାର ଏନ୍‌ଓସି ପ୍ରଦାନ କରିଛନ୍ତି। ଆସନ୍ତା ବର୍ଷ ମଧ୍ୟ ଭାଗରୁ କଂପାନିର ବିମାନ ଆକାଶରେ ଉଡ଼ିବା ଆରମ୍ଭ କରିବ ବୋଲି ଜଣାପଡ଼ିଛି। ନୂଆ ବିମାନ କଂପାନି ସ୍ଥାପନ କରିବା ବିଷୟରେ କିଛିଦିନ ତଳେ ଝୁନ୍‌ଝୁନ୍‌ୱାଲା ଘୋଷଣା କରିଥିଲେ। ଚଢ଼ା ଟିକସ, ମହଙ୍ଗା ତେଲ ଓ ଅନ୍ୟାନ୍ୟ ଶୁଳ୍ପ ଯୋଗୁଁ ଭାରତୀୟ ବିମାନ ଶିଳ୍ପ ବ୍ୟବସାୟ କରିବା ଲାଗି ଦୁନିଆର ସବୁଠୁ କଷ୍ଟକର ବିମାନ ଶିଳ୍ପ ଭାବେ ବିବେଚନା କରାଯାଉଛି। କୌଣସି ସଂସ୍ଥା ଏହି ବଜାରରେ ପ୍ରବେଶ କରିବାକୁ ଆଗ୍ରହ ଦେଖାଉନଥିବା ବେଳେ ନୂଆ ବିମାନ କଂପାନି ସ୍ଥାପନ କରି ଝୁନ୍‌ଝୁନ୍‌ୱାଲା ସାହସିକ ପଦକ୍ଷେପ ଗ୍ରହଣ କରିଛନ୍ତି। କିଛି ଦିନ ତଳେ ସେ ଓ ତାଙ୍କ ପତ୍ନୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ପ୍ରତ୍ୟକ୍ଷ ଭାବେ ସାକ୍ଷାତ କରିଥିଲେ।

ଝୁନ୍‌ଝୁନ୍‌ୱାଲାଙ୍କ ବିମାନ କଂପାନିର ନାମ ହେଉଛି ଏନ୍‌ଏନ୍‌ଭି ଆଭିଏସନ୍ ପ୍ରାଇଭେଟ୍ ଲିମିଟେଡ୍‌। ଏହାର ବ୍ରାଣ୍ଡ୍‌ ନାମ ହେଉଛି ଆକାଶ ଏୟାର। ବିମାନ ଚଳାଚଳ ଆରମ୍ଭ କରିବା ଲାଗି ଏହି ସଂସ୍ଥା ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ଠାରୁ ଏନ୍‌ଓସି ହାସଲ କରିଛି। ଯାତ୍ରୀମାନଙ୍କୁ ଆରାମଦାୟକ, ଭରସାଯୋଗ୍ୟ ଓ ସୁଲଭ ମୂଲ୍ୟର ଯାତ୍ରା ଅନୁଭୂତି ପ୍ରଦାନ କରିବାକୁ ଆକାଶ ଏୟାର ଲକ୍ଷ୍ୟ ରଖିଛି। ବିମାନ ଉଡ଼ାଣ ଅନୁମତି ହାସଲ କରିବା ଲାଗି କଂପାନି ପକ୍ଷରୁ ବେସାମରିକ ବିମାନ ଚଳାଚଳ ମହାନିର୍ଦେଶାଳୟ (ଡିଜିସିଏ)ଙ୍କ ନିକଟରେ ଏୟାର ଅପରେଟର୍ସ ପର୍‌ମିଟ୍‌ ଲାଗି ଆବେଦନ କରିବାକୁ ପଡ଼ିବ। ଏହି ପର୍‌ମିଟ୍ ମିଳିବା ପରେ ତିନିରୁ ଛଅ ମାସ ମଧ୍ୟରେ କଂପାନିର ବିମାନ ଆକାଶରେ ଉଡ଼ିପାରିବ। ଏନ୍‌ଓସି ଜାରି କରିଥିବାରୁ ଆକାଶ ଏୟାରର ସିଇଓ ବିନୟ ଦୁବେ ବେସାମରିକ ବିମାନ ଚଳାଚଳ ମନ୍ତ୍ରଣାଳୟକୁ କୃତଜ୍ଞତା ଜଣାଇଛନ୍ତି। ଆସନ୍ତା ବର୍ଷ ଗ୍ରୀଷ୍ଣ ଋତୁରୁ ଦେଶର ବିଭିନ୍ନ ରୁଟ୍‌ରେ ବିମାନ ଚଳାଚଳ ଆରମ୍ଭ କରିବାକୁ ଆକାଶ ଏୟାର ଲକ୍ଷ୍ୟ ରଖିଛି। ଦେଶର ସବୁ ସାମାଜିକ, ଆର୍ଥିକ ଓ ସାଂସ୍କୃତିକ ବର୍ଗର ଲୋକଙ୍କୁ ବିମାନ ସେବାର ସୁଯୋଗ ପ୍ରଦାନ କରିବାକୁ ଏହି ସଂସ୍ଥା ଲକ୍ଷ୍ୟ ରଖିଛି।

ଏବେ ଦେଶ ଭିତରେ ଏୟାର ଇଣ୍ଡିଆ, ଇଣ୍ଡ‌ିଗୋ, ସ୍ପାଇସ୍‌ଜେଟ୍, ଏୟାରଏସିଆ ଇଣ୍ଡିଆ, ଭିସ୍ତାରା ଓ ଗୋଏୟାର ଭଳି ପ୍ରମୁଖ ସଂସ୍ଥା ଯାତ୍ରୀବାହୀ ବିମାନ ସେବା ପ୍ରଦାନ କରୁଛନ୍ତି। ଆସନ୍ତା ବର୍ଷ ଏହି ତାଲିକାରେ ଦୁଇଟି ସଂସ୍ଥା ଯୋଡ଼ି ହେବେ। ଗୋଟିଏ ଆକାଶ ଏୟାର ହୋଇଥିବା ବେଳେ ଅନ୍ୟଟି ହେଉଛି ଜେଟ୍ ଏୟାରୱେଜ୍। ଘୋର ଆର୍ଥିକ ସଙ୍କଟ ଦେଇ ଗତି କରିବା ପରେ ୨୦୧୯‌ ଏପ୍ରିଲ୍‌ରେ ଜେଟ୍ ଏୟାରୱେଜ୍ ବନ୍ଦ ହୋଇଯାଇଥିଲା। ଏନ୍‌ସିଏଲ୍‌ଟିରେ ଏହି ମାମଲାର ସମାଧାନ ହେବା ସହ ତାହାକୁ ନିଲାମ କରାଯାଇଛି। କାର୍ଲରକ୍ ଜାଲାନ୍ କନ୍‌ସୋର୍ଟିୟମ୍ ଏହାକୁ ଅଧିଗ୍ରହଣ କରିଛି। ୨୦୨୨ରୁ ଜେଟ୍ ଏୟାରୱେଜ୍‌ର ବିମାନ ସେବା ପୁଣି ଥରେ ଆରମ୍ଭ କରିବା ଲାଗି ନୂଆ ମାଲିକ କାର୍ଯ୍ୟ କରୁଛନ୍ତି।

ପୂଜା ସମୟରେ ପୂର୍ବତଟ ରେଳପଥ ପକ୍ଷରୁ ଅତିରିକ୍ତ ବିଶେଷ ଟ୍ରେନ

ଅର୍ଥଜଗତ

businessodisha

-

October 12, 2021

0

ପୂଜା ସମୟରେ ପୂର୍ବତଟ ରେଳପଥ ପକ୍ଷରୁ ଅତିରିକ୍ତ ବିଶେଷ ଟ୍ରେନ

ଭୁବନେଶ୍ଵର, ( ବିଜ୍‌ନେସ୍‌ ଓଡ଼ିଶା ବ୍ୟୁରୋ): ଯାତ୍ରୀମାନଙ୍କ ସୁବିଧା ପାଇଁ ଏବଂ ଆଗାମୀ ପର୍ବପର୍ବାଣିରେ ଯାତ୍ରୀମାନଙ୍କ ଅତିରିକ୍ତ ପ୍ରତିକ୍ଷା ସୂଚୀକୁ ଏଡ଼ାଇବାପାଇଁ ପୂର୍ବ ତଟ ରେଳପଥ ପକ୍ଷରୁ ବିଭିନ୍ନ ଗନ୍ତବ୍ୟ ସ୍ଥାନକୁ କିଛି ଅତିରିକ୍ତ ସ୍ୱତନ୍ତ୍ର ଟ୍ରେନ୍ ଚଳାଇବା ପାଇଁ ବ୍ୟବସ୍ଥା କରାଯାଇଅଛି | ଆସନ୍ତୁ ନଜର ପକାଇବା ଏହି ଅତିରିକ୍ତ ସ୍ଵତନ୍ତ୍ର ଟ୍ରେନ୍‌ ଉପରେ।

ପୁରୀ-ପାଟନା

ପୁରୀ ସ୍ପେଶାଲ୍ (ଟ୍ରେନ୍ ନଂ 08439/08440): ଏହି ଟ୍ରେନ୍ 16 ଅକ୍ଟୋବର 2021 ରୁ 31 ଅକ୍ଟୋବର 2021 ମଧ୍ୟରେ ପ୍ରତି ଶନିବାର ଦିନ ପୁରୀରୁ ଅପରାହ୍ନ ୨ଘ.୫୫ମି.ରେ ଛାଡିବ ଏବଂ ଫେରିବା ଦିଗରେ, ଏହା ପ୍ରତ୍ୟେକ ରବିବାର ଦିନ ଅପରାହ୍ନ ୧ଘ.୪୫ମି.ରେ ପାଟନାରୁ ଛାଡିବ | ଏହି ଟ୍ରେନରେ ଏସି-୨ ଟାୟାର, ଏସି-୩ ଟାୟାର, ସ୍ଲିପର୍ ଏବଂ ଜେନେରାଲ୍ କ୍ଲାସ୍ (ଦ୍ୱିତୀୟ ଶ୍ରେଣୀ ସିଟିଂ) କୋଚ୍ ଉପଲବ୍ଧ ଅଛି |

ବିଶାଖାପାଟନମ୍-ସିକନ୍ଦରାବାଦ

ବିଶାଖାପାଟନମ୍ ସ୍ପେଶାଲ୍ (ଟ୍ରେନ୍ ନଂ 08579/08580): ଏହି ଟ୍ରେନ୍ 13 ଅକ୍ଟୋବର 2021 ରୁ 28 ଅକ୍ଟୋବର 2021 ମଧ୍ୟରେ ପ୍ରତି ବୁଧବାର ଦିନ ବିଶାଖାପାଟନମ୍ ଠାରୁ ସନ୍ଧ୍ୟା ୭ ଘଟିକାରେ ଛାଡିବ ଏବଂ ଫେରିବା ମାର୍ଗରେ ଏହା ସିକନ୍ଦରାବାଦ ଠାରୁ ପ୍ରତି ଗୁରୁବାର ଦିନ ସନ୍ଧ୍ୟା ୭ଘଣ୍ଟା ୪୦ମି.ରେ ଛାଡିବ | ଏହି ଟ୍ରେନରେ ଏସି-୩ ଟାୟାର, ସ୍ଲିପର୍ ଏବଂ ଜେନେରାଲ୍ କ୍ଲାସ୍ (ଦ୍ୱିତୀୟ ଶ୍ରେଣୀ ସିଟିଂ) କୋଚ୍ ଉପଲବ୍ଧ ଅଛି |

ବିଶାଖାପାଟନମ୍-ତିରୁପତି

ବିଶାଖାପାଟନମ୍ ସ୍ଵତନ୍ତ୍ର (ଟ୍ରେନ୍ ନଂ 08583/08584): ଏହି ଟ୍ରେନ୍ 18 ଅକ୍ଟୋବର 2021 ରୁ 2 ନଭେମ୍ବର 2021 ମଧ୍ୟରେ ପ୍ରତି ସୋମବାର ଦିନ ବିଶାଖାପାଟନମ୍ ଠାରୁ ସନ୍ଧ୍ୟା ୭ଘଣ୍ଟା ୧୫ମି.ରେ ଛାଡିବ ଏବଂ ଫେରିବା ମାର୍ଗରେ ଏହା ତିରୁପତି ଠାରୁ ପ୍ରତି ମଙ୍ଗଳ ବାର ଦିନ ରାତ୍ରି ୯ଘ.୫୫ମି.ରେ ଛାଡିବ | ଏହି ଟ୍ରେନରେ ଏସି-୨ ଟାୟାର, ଏସି-୩ ଟାୟାର, ସ୍ଲିପର୍ ଏବଂ ଜେନେରାଲ୍ କ୍ଲାସ୍ (ଦ୍ୱିତୀୟ ଶ୍ରେଣୀ ସିଟିଂ) କୋଚ୍ ଉପଲବ୍ଧ ଅଛି |

ବିଶାଖାପାଟନମ୍-ସିକନ୍ଦରାବାଦ

ବିଶାଖାପାଟନମ୍ ସ୍ପେଶାଲ୍ (ଟ୍ରେନ୍ ନଂ 08585/085806): ଏହି ଟ୍ରେନ୍ 19 ଅକ୍ଟୋବର 2021 ରୁ 3 ନଭେମ୍ବର 2021 ମଧ୍ୟରେ ପ୍ରତି ମଙ୍ଗଳବାର ଦିନ ବିଶାଖାପାଟନମ୍ ରୁ ସନ୍ଧ୍ୟା ୫ଘ.୩୫ମି.ରେ ଛାଡିବ ଏବଂ ଫେରିବା ମାର୍ଗରେ ଏହା ସିକନ୍ଦରାବାଦ ଠାରୁ ପ୍ରତି ବୁଧବାର ଦିନ ରାତ୍ରି ୯ଘ.୦୫ମି.ରେ ଛାଡିବ | ଏହି ଟ୍ରେନରେ ଏସି-୨ ଟାୟାର, ଏସି-୩ ଟାୟାର, ସ୍ଲିପର୍ ଏବଂ ଜେନେରାଲ୍ କ୍ଲାସ୍ (ଦ୍ୱିତୀୟ ଶ୍ରେଣୀ ସିଟିଂ) କୋଚ୍ ଉପଲବ୍ଧ ଅଛି |

ହାଓଡ଼ା- ପୁରୀ – ହାଓଡ଼ା

ହାଓଡ଼ା- ପୁରୀ – ହାଓଡ଼ା ସ୍ପେଶାଲ୍ (ଟ୍ରେନ୍ ନଂ 08179/08180): ଏହି ଟ୍ରେନ୍ 09 ଅକ୍ଟୋବର 2021 ରୁ 7 ନଭେମ୍ବର 2021 ମଧ୍ୟରେ ପ୍ରତ୍ୟେକ ଶନିବାର ଦିନ ହାଓଡ଼ା ଠାରୁ ରାତ୍ରି ୮ଘ.୩୫ମି.ରେ ଛାଡିବ ଏବଂ ଫେରିବା ମାର୍ଗରେ ଏହା ପୁରୀ ଠାରୁ ପ୍ରତି ରବିବାର ଦିନ ସନ୍ଧ୍ୟା ୭ଘଣ୍ଟା ୨୦ମି.ରେ ଛାଡିବ | ଏହି ଟ୍ରେନରେ ସ୍ଲିପର୍ ଏବଂ ଜେନେରାଲ୍ କ୍ଲାସ୍ (ଦ୍ୱିତୀୟ ଶ୍ରେଣୀ ସିଟିଂ) କୋଚ୍ ଉପଲବ୍ଧ ଅଛି|

ଆହୁରି ବଢ଼ିବ ‌ତେଲ ଦର: ଅଶୋଧିତ ତୈଳ ଦର ୮୩ ଡଲାର ଟପିଲା

ଜୀବନଚର୍ଯ୍ୟା

businessodisha

-

October 12, 2021

0

ଆହୁରି ବଢ଼ିବ ‌ତେଲ ଦର: ଅଶୋଧିତ ତୈଳ ଦର ୮୩ ଡଲାର ଟପିଲା

ନୂଆଦିଲ୍ଲୀ: ଦେଶରେ ଲଗାତାର ସପ୍ତମ ଦିନ ଲାଗି ପେଟ୍ରୋଲ୍ ଓ ଡିଜେଲ୍‌ ଦାମ୍ ବଢ଼ିଛି। ପ୍ରାୟ ସବୁ ରାଜ୍ୟର ରାଜଧାନୀରେ ଡିଜେଲ୍ ଦାମ୍ ୧୦୦ ଟଙ୍କାରୁ ଅଧିକ ଦାମ୍‌ରେ ବିକ୍ରି ହେଉଥିବା ବେଳେ ପେଟ୍ରୋଲ୍ ଦାମ୍ ୧୦୫-୧୧୦ ଟଙ୍କା ସ୍ତରରେ ରହିଛି। ଆଜି ପେଟ୍ରୋଲ୍ ଦର ୩୦ ପଇସା ଓ ଡିଜେଲ୍ ୩୫ ପଇସା ବଢ଼ିଛି। ତେବେ ସବୁଠୁ ବଡ଼ ଚିନ୍ତାର ବିଷୟ ହେଉଛି ଯେଉଁଥିରୁ ପେଟ୍ରୋଲ୍ ଓ ଡିଜେଲ୍‌ ଉତ୍ପାଦନ କରାଯାଉଛି ସେହି ଅଶୋଧିତ ତୈଳର ଦାମ୍ ଆନ୍ତର୍ଜାତିକ ବଜାରରେ ବଢ଼ିବାରେ ଲାଗିଛି।

ଅଶୋଧିତ ତୈଳର ବ୍ୟାରେଲ୍ ପିଛା ଦାମ୍ ୮୩ ଡଲାର ଅତିକ୍ରମ କରିଛି। ଯେହେତୁ କେନ୍ଦ୍ର କିମ୍ବା ରାଜ୍ୟ ସରକାର ଟିକସ କମ୍ କରିବା ସପକ୍ଷରେ ନାହାନ୍ତି, ତେଣୁ ଆଗାମୀ ଦିନରେ ପେଟ୍ରୋଲ୍ ଓ ଡିଜେଲ୍ ଦାମ୍ ଆହୁରି ବଢ଼ିବ ବୋଲି ଆଶଙ୍କା କରାଯାଉଛି। ଅଶୋଧିତ ତୈଳକୁ ବିଶୋଧନ କରି ସେଥିରୁ ପେଟ୍ରୋଲ୍, ଡିଜେଲ୍ ଓ ଅନ୍ୟାନ୍ୟ ସାମଗ୍ରୀ ବାହାର କରାଯାଏ। ଏବେ ଏହାର ମୂଲ୍ୟ ତିନି ବର୍ଷ ଭିତରେ ସବୁଠୁ ଉଚ୍ଚ ସ୍ତରରେ ରହିଛି।

କରୋନା ମହାମାରୀ ପ୍ରଭାବ ଦୂର ହେବା ପରେ ସାରା ବିଶ୍ବର ଶିଳ୍ପ ଜଗତ ହଠାତ୍‌ ଚଳଚଞ୍ଚଳ ହୋଇପଡ଼ିବାରୁ ତୈଳ ଚାହିଦା ବଢ଼ିଛି। ସେହି ଚାହିଦା ପୂରଣ କରିବା ଲାଗି ଉତ୍ପାଦନକାରୀ ଦେଶଗୁଡ଼ିକ କିନ୍ତୁ ପ୍ରସ୍ତୁତ ନଥିଲେ। ବଜାରରେ କମ୍ ତେଲ ଉପଲବ୍ଧ ଥିବା ବେଳେ ଚାହିଦା ଅଧିକ ରହୁଥିବାରୁ ଦାମ୍ ବଢ଼ୁଛି। ଏହି ସ୍ଥିତିରେ ଶୀଘ୍ର ସୁଧାର ହେବାର ମଧ୍ୟ କମ୍ ସମ୍ଭାବନା ରହିଛି। ଅଶୋଧିତ ତୈଳ ମହଙ୍ଗା ହେଲେ ଏଲ୍‌ପିଜି ଓ ବିମାନ ଇନ୍ଧନ ମୂଲ୍ୟ ମଧ୍ୟ ବଢ଼ିଥାଏ। କିଛି ଦିନ ତଳେ ଏଲ୍‌ପିଜି ଦାମ୍‌ରେ ୧୫ ଟଙ୍କାର ବୃଦ୍ଧି ହେବା ପରେ ଓଡ଼ିଶାର କେତେକ ଜିଲ୍ଲାରେ ତାହାର ମୂଲ୍ୟ ୯୬୧ ଟଙ୍କା ଭଳି ଉଚ୍ଚ ସ୍ତରରେ ପହଞ୍ଚିଛି।

ଡିଜେଲ୍ ଦାମ୍‌ରେ ବୃଦ୍ଧି ଦେଶର ଅର୍ଥନୀତିକୁ ଗୁରୁତର ଭାବେ ପ୍ରଭାବିତ ‌କରିବ। ଏହାର ପ୍ରଭାବରେ ‌ପରିବହନ ହେଉଥିବା ସବୁ ପ୍ରକାର ସାମଗ୍ରୀ ମହଙ୍ଗା ହେବ। ଯାତାୟାତ ଲାଗି ଭଡ଼ା ବଢ଼ିବ। ଚାଷ ଠାରୁ ଆରମ୍ଭ କରି ରିଅଲ ଇଷ୍ଟେଟ୍ ଓ ପରିବହନ ଆଦି ସବୁ କ୍ଷେତ୍ର ଉପରେ ଡିଜେଲ ଦରବୃଦ୍ଧିର ପ୍ରଭାବ ରହିବ। ଡିଜେଲ୍ ଦରବୃଦ୍ଧି ଚାଷୀମାନଙ୍କୁ ଆହୁରି କ୍ରୋଧିତ କରିବାର ଆଶଙ୍କା ରହିଛି। ତାହା ରାଜନୈତିକ ଦୃଷ୍ଟିକୋଣରୁ ସରକାରଙ୍କୁ ଅଡ଼ୁଆରେ ପକାଇପାରେ।

ଭାରତ ଏହାର ‌୮୦%ରୁ ଅଧିକ ତୈଳ ଆବଶ୍ୟକତା ଆମଦାନି ଜରିଆରେ ପୂରଣ କରୁଛି। ଯେହେତୁ ‌ଅଶୋଧିତ ତୈଳକୁ ଆମଦାନି କରାଯାଉଛି, ତେଣୁ ଏହା ମହଙ୍ଗା ହେଉଥିବାରୁ ତାହାର ସିଧାସଳଖ ପ୍ରଭାବ ପେଟ୍ରୋଲ୍ ଓ ଡିଜେଲ୍ ଦାମ୍‌ ଉପରେ ପଡ଼ୁଛି। କିନ୍ତୁ ଦରବୃଦ୍ଧି ପାଇଁ କେବଳ ଅଶୋଧିତ ‌ତୈଳକୁ ଦାୟୀ କରାଯାଇପାରିବ ନାହିଁ। ଗତବର୍ଷ କେନ୍ଦ୍ର ସରକାର ଏକାଥରେ ପେଟ୍ରୋଲ୍‌ରେ ଯେଉଁ ୧୩ ଟଙ୍କା ଓ ଡିଜେଲ୍‌ରେ ୧୬ ଟଙ୍କାର ଟିକସ ବଢ଼ାଇଥିଲେ ତାହା ପ୍ରତ୍ୟାହାର କରୁନଥିବାରୁ ଲୋକମାନଙ୍କୁ ଅଧିକ ଦାମ୍‌ରେ ତେଲ କିଣିବାକୁ ପଡ଼ୁଛି। ଏବେ ପେଟ୍ରୋଲ୍‌ରୁ କେନ୍ଦ୍ର ସରକାର ୩୨ ଟଙ୍କା ୯୮ ପଇସାର ଟିକସ ସଂଗ୍ରହ କରୁଛନ୍ତି।

ପିଲାଙ୍କପାଇଁ କରୋନା ଟୀକା ଅନୁମୋଦିତ

୨ରୁ ୧୮ବର୍ଷ ବୟସର ପିଲାମାନେ କୋଭାକ୍ସିନ୍ ପାଇବେ

ଆଞ୍ଚଳିକ ଦଳକୁ ୫୧% ନିର୍ବାଚନୀ ବଣ୍ଡ୍‌

ବିଜେଡି ସବୁଠାରୁ ଅଧିକ ୧୮୬.୧୩ କୋଟି ଖର୍ଚ୍ଚ କରିଛି

୧୩୦.୪୬ କୋଟି ସହ ଟିଆରଏସ୍‌ର ରୋଜଗାର ସବୁଠୁ ଅଧିକ।

କମ ଦାମରେ ଭାରତରେ ଲଞ୍ଚ ହେବ ‘ଟେସ୍‌ଲା’

ଦର ରହିବ କମ

ପିପିଏଲ୍‌ ଆଣିବ ୧,୨୫୫ କୋଟିର ଆଇପିଓ: ଡିସେମ୍ବର ସୁଦ୍ଧା ଷ୍ଟକ ବଜାରରେ ପ୍ରବେଶ କରିବ

ଶକ୍ତିମନ୍ତ୍ରୀଙ୍କ ଆଶ୍ବାସନା: ଭୟ କରନି, ବିଜୁଳି ସଙ୍କଟ ଦେଖାଦେବନି

୨୦୨୨ରୁ ଉଡ଼ିବ ଝୁନ୍‌ଝୁନ୍‌ୱାଲାଙ୍କ ବିମାନ: ଆକାଶ ଏୟାରକୁ ମିଳିଲା ଏନ୍‌ଓସି

ପୂଜା ସମୟରେ ପୂର୍ବତଟ ରେଳପଥ ପକ୍ଷରୁ ଅତିରିକ୍ତ ବିଶେଷ ଟ୍ରେନ

ପୁରୀ-ପାଟନା

ବିଶାଖାପାଟନମ୍-ସିକନ୍ଦରାବାଦ

ବିଶାଖାପାଟନମ୍-ତିରୁପତି

ବିଶାଖାପାଟନମ୍-ସିକନ୍ଦରାବାଦ

ହାଓଡ଼ା- ପୁରୀ – ହାଓଡ଼ା

ଆହୁରି ବଢ଼ିବ ‌ତେଲ ଦର: ଅଶୋଧିତ ତୈଳ ଦର ୮୩ ଡଲାର ଟପିଲା

About Us

Popular Category

Editor Picks

ବିଜେପି ଓ ବିଜେଡିର ୱାର ରୁମ ମୁହାଁମୁହିଁ

ବିଜେପି-ବିଜେଡି ବନ୍ଧୁତାର ଭିତରି କଥା