- ‘କେହି କେହି ପ୍ରାର୍ଥନା କରିବାକୁ ଚାହାଁନ୍ତି, କେହି କେହି ମଦ୍ୟପାନ କରନ୍ତି’
- ଜଷ୍ଟିସ ନାଗରତ୍ନା କହିଛନ୍ତି ଯେ ବାରଟି ୫୦୦ମିଟର କିମ୍ବା ୧୦,୦୦ ମିଟର ଦୂରରେ ଥାଇ ମଧ୍ୟ ଯେଉଁ ମଦ୍ୟପାନକାରୀମାନେ ମନ୍ଦିରକୁ ଯିବାକୁ ଚାହୁଁଥିବେ ସେମାନେ ମଧ୍ୟ ଏହିପରି ହଙ୍ଗାମା ସୃଷ୍ଟି କରିପାରିବେ ।
ପୁଡୁଚେରୀର ମନ୍ଦିର ନିକଟରେ ଅବସ୍ଥିତ ଏକ ବାରକୁ ବନ୍ଦ କରିବାକୁ ନିର୍ଦ୍ଦେଶ ଦେବାକୁ ସୁପ୍ରିମକୋର୍ଟ ଗତକାଲି ମନା କରି ଦେଇଛନ୍ତି। ଏହା ପଛରେ ଯୁକ୍ତି ଦର୍ଶାଇ କୋର୍ଟ କହିଛନ୍ତି ଯେ ପୂଜାପାଠ ସ୍ଥାନରୁ ବାରର ପର୍ଯ୍ୟାପ୍ତ ଦୂରତା ଏହାକୁ ବନ୍ଦ କରିବା ପାଇଁ ଆଧାର ନୁହେଁ । କୋର୍ଟ କହିଛନ୍ତି ଯେ ଯଦି ଉଭୟଙ୍କ ମଧ୍ୟରେ ଦୂରତା ୧୧୪.୫ ମିଟର, ଯାହା ୧୦୦ ମିଟରରୁ ଅଧିକ ଅଟେ । କୋର୍ଟ ଏହା ମଧ୍ୟ କହିଛନ୍ତି ଯେ କିଛି ଲୋକ ପ୍ରାର୍ଥନା କରିବାକୁ ଚାହାଁନ୍ତି ଏବଂ କେହି କେହି ମଦ ପିଇବାକୁ ଚାହାଁନ୍ତି ।
ଜୋଠି ବାର ପୁଡୁଚେରୀର ଥ୍ରୋବାଥିୟାମମ୍ ମନ୍ଦିରର ପ୍ରବେଶ ଦ୍ୱାରଠାରୁ ୧୧୪.୫ ମିଟର ଦୂରରେ ଅବସ୍ଥିତ । ଏହାକୁ ବନ୍ଦ କିମ୍ବା ସ୍ଥାନାନ୍ତରପାଇଁ ଏକ ପିଟିସନ ଦାଖଲ କରାଯାଇଥିଲା । ପୂର୍ବରୁ ମାଡ୍ରାସ୍ ହାଇକୋର୍ଟ ବାର୍ ବନ୍ଦ କିମ୍ବା ଘୁଞ୍ଚାଇବାକୁ ମନା କରିଦେଇଥିଲେ । ଏହାପରେ ମାଡ୍ରାସ ହାଇକୋର୍ଟଙ୍କ ନିଷ୍ପତ୍ତି ବିରୋଧରେ ଆବେଦନକାରୀ ସୁପ୍ରିମକୋର୍ଟରେ ଆବେଦନ କରିଥିଲେ ।
ଏହି ମାମଲାର ଶୁଣାଣି ବେଳେ ଜଷ୍ଟିସ୍ ଡି.ୱାଇ ଚନ୍ଦ୍ରଚୁଡ଼ ଏବଂ ବି.ବି ନାଗରତ୍ନାଙ୍କ ଏକ ଖଣ୍ଡପୀଠରେ ଆବେଦନକାରୀ ନନ୍ଦକୁମାରଙ୍କ ଓକିଲ କହିଛନ୍ତି ଯେ ବାର ଓ ମନ୍ଦିର ମଧ୍ୟରେ ଅଳ୍ପ ଦୂରତା ଥିବାରୁ ଅନେକ ଲୋକ ମଦ୍ୟପାନ କରିବା ପରେ ମନ୍ଦିରକୁ ଆସନ୍ତି ଏବଂ ତାପରେ ହଙ୍ଗାମା ସୃଷ୍ଟି କରନ୍ତି । ପ୍ରାୟତଃ ମନ୍ଦିର ରୀତିନୀତି ଏବଂ ପର୍ବପର୍ବାଣୀରେ ହସ୍ତକ୍ଷେପ କରନ୍ତି । ତାଙ୍କର ଯୁକ୍ତି ଥିଲା, “ଯଦି ବାର୍ ବନ୍ଦ ହୋଇପାରିବ ନାହିଁ, ତେବେ ଜନସାଧାରଣଙ୍କ ଭାବନାକୁ ଦୃଷ୍ଟିରେ ରଖି ଏହାକୁ ଅନ୍ୟ ସ୍ଥାନକୁ ସ୍ଥାନାନ୍ତର କରାଯିବା ଉଚିତ ।”
ଜଷ୍ଟିସ ଚନ୍ଦ୍ରଚୁଡ଼ କହିଛନ୍ତି, “ଆମେ ଭକ୍ତଙ୍କ ଧାର୍ମିକ ଭାବନାକୁ ଆଘାତ କରିବାକୁ ଚାହୁଁନାହୁଁ, କିନ୍ତୁ ଉଭୟଙ୍କ ମଧ୍ୟରେ ସାମ୍ବିଧାନିକ ଦୂରତା ସୃଷ୍ଟି ହେବା ପରେ ଆଇନ ଅନୁଯାୟୀ ଅଧିକ କିଛି କୋର୍ଟ କରିପାରିବେ ନାହିଁ । ଅପରପକ୍ଷରେ ମନ୍ଦିର ଟ୍ରଷ୍ଟ ପକ୍ଷରୁ ବାର୍ ନିକଟରେ ରହିବାକୁ ଆପତ୍ତି କରିନାହିଁ । ଆମେ କାହିଁକି ହାଇକୋର୍ଟଙ୍କ ନିଷ୍ପତ୍ତିରେ ହସ୍ତକ୍ଷେପ କାହିଁକି କରିବୁ ?
ଯେତେବେଳେ ବାରରେ ମଦ ପିଇବା ପରେ ମନ୍ଦିରକୁ ଆସି ହଙ୍ଗାମା ସୃଷ୍ଟି କରୁଥିବା ନନ୍ଦକୁମାର ପୁନର୍ବାର ଯୁକ୍ତି କରିବା ସହିତ ତଥ୍ୟପ୍ରମାଣ ଦାଖଲ କରିବାରୁ ଜଷ୍ଟିସ୍ ନାଗରତ୍ନା କହିଛନ୍ତି ଯେ ବାର୍ ୫୦୦ ମିଟର କିମ୍ବା ୧୦,୦୦ ମିଟର ଦୂରରେ ଥିଲେ ମଧ୍ୟ ଯେଉଁମାନେ ମଦ୍ୟପାନ କରି ମନ୍ଦିର ଯିବାକୁ ଚାହୁଁଛନ୍ତି, ସେମାନେ ହଙ୍ଗାମା କରିବେ ।
ମାଡ୍ରାସ ହାଇକୋର୍ଟ କ’ଣ ଆଦେଶ ଦେଇଥିଲେ ?
ମାଡ୍ରାସ ହାଇକୋର୍ଟରେ ମୁଖ୍ୟ ବିଚାରପତି ସଂଜୀବ ବାନାର୍ଜୀ ଏବଂ ସେନ୍ଥିଲକୁମାର ରାମମୂର୍ତ୍ତିଙ୍କ ଏକ ଖଣ୍ଡପୀଠ ଜୁଲାଇ ୧୬ରେ ଜଣିକିଆ ବିଚାରପତିଙ୍କ ଆଦେଶକୁ ଖାରଜ କରିଦେଇଥିଲେ । ବାରର ଲାଇସେନ୍ସ ବାତିଲ କରିବାକୁ ଏକକ ଖଣ୍ଡପୀଠ କର୍ତ୍ତୃପକ୍ଷଙ୍କୁ ନିର୍ଦ୍ଦେଶ ଦେଇଥିଲେ । ଏହି ନିଷ୍ପତ୍ତି ବିରୋଧରେ ଆବେଦନ କରି, ହାଇକୋର୍ଟର ଡିଭିଜନ୍ ବେଞ୍ଚ ଦେଖିଲେ ଯେ ମନ୍ଦିରଠାରୁ ବାରର ବାହ୍ୟ ଗଠନ ପର୍ଯ୍ୟନ୍ତ ଦୂରତା ୧୧୪.୫ ମିଟର ବୋଲି ଦର୍ଶାଯାଇଛି, ଯାହାକି ପ୍ରସ୍ତାବିତ ଦୂରତାଠାରୁ ଅଧିକ ଅଟେ । ହାଇକୋର୍ଟ କହିଥିଲେ ଯେ ଏଭଳି ପରିସ୍ଥିତିରେ ବାରର ଲାଇସେନ୍ସ ବାତିଲ କରିବାର କୌଣସି ଅର୍ଥ ହେବ ନାହିଁ । ତେବେ ମନ୍ଦିର ଏବଂ ବାର ମଧ୍ୟରେ ଥିବା ଜମିରେ ଯଦି ଧାର୍ମିକ କାର୍ଯ୍ୟକଳାପ ନିୟମିତ ହୁଏ ତେବେ କର୍ତ୍ତୃପକ୍ଷ ଆବଶ୍ୟକ ପଦକ୍ଷେପ ନେଇପାରିବେ ବୋଲି ହାଇକୋର୍ଟ ସ୍ପଷ୍ଟ ଭାବରେ କହିଥିଲେ ।